Aap kis area par freelancing shuru karna pasand karenge

Leave a Comment


Freelancing dekha jaye to bahut hi bada marketingplace hai yaha par aap individually apne aapko present karte hai aur beshak competition bahut hi jyada hota hai yaha. Aap apne kaam ko enjoy to karte hi hai saath hi aap jis project par work karte hai usme bhi apna 100% dete hai aur use ek quality work banaane ki poori koshish karte hai kyuki woh project future me aapke portfolio me dikhega aur aapke portfolio se attract ho ke aur bhi naye clients aapko hire kar sakte hai. Agar aapne hamara previous pos padha hoga to aap jante honge ki porfolio kya hota hai agar nai jaante to yaha par click kare aur jaane kya hai porfolio aur iske kya faayde hai

Apni special skill par work karke aap hazaro avsaro ke dwaar khol sakte hai aur ek acha rozgaar paa sakte hai par ho sakta hai ki aap abhi tak iss baat se anjaan ho ki kis skill ko chuna jaye aur us par work kiya jaaye jisse client aapko asani se hire kar le.  Yahan mai kuch areas ko shortlist kar rahi ho ye wo area hain jiske project roz hi freelancing sites par post hote hai:

  1. Web Development : Web Development me aaj kal Php bahut hi jyada lokpriya hai ye lokpriya apni simplicity aur adhik functionalities ki wajah se hua hai par agar aapko koi aur platform par work ata hai tab bhi aap development ke projects par bid kar sakte hai.

  2. Web Designing: Web designing ke lakho projects roz hi post hote hai simple page designing se lekar poori poori site designing ka work freelancing site par mil sakta hai. Isme aapki creativity aapko asimit mauke de sakti hai.

  3. Graphic Designing: Graphic Designing me aapko Photoshop, Coreldraw, Illustrator par work aana jaruri hai ye bhi ek creativity se bhari field hai aur aapka talent aur apki creativity aapko ek nayi pehchaan dila sakta hai. Isme  aapke paas logo designing, banner designing, flyer designing, photo retouching, background removing jaise work milenge.

  4. Writing: Writing field me bahut hi jyada opportunities milti hai aap iss field mein bahut aage tak jaa sakte hai isme aap in cheezo par likh sakte hai:

  1. Blog Post

  2. Press Release

  3. Article

  4. Copywriting

  5. Creative writing (fiction)

  6. Ebook Writing (proofreading)

     

     aap chahe to apne hobbies ke hisaab se bhi writing kar sakte hai jaise apko cooking pasand hai toh aap cooking se related blog par likh sakte hai


    5.    Photography: Aap chahe to client jaisi image chahe waisi image click karke unhe provide karwa sakte hai aaj kal iski bhi maang bahut jyada hai.

    

     6.    Online Marketing: Ye bhi ek popular field hai jiski talaash me clients rahte hai marketing wo chahe unki site ki ho ya kisi product ki har koi Search Engine me top par dikhna chahta hai isme aap Search engine Optimization, Social Media Marketing, Social Media Optimization, Email Marketing par work kar sakte hai

  
Ab aap ye tay kar sakte hai ki kon si field par aap kaam kar sakte hai aur online freelancing me apni ek khaas jagah bana sakte hai. 

"Koi kaam chota nai hota, har kaam bada hota hai, jaise ki socho jo kaam aap kar rahe wo aap na kare to duniya par kya asar hota"






Related Post:  5 Best Freelancing Sites kon-kon si hai
Mitali Mitali Tripathi
Mere article kaisa laga comment me jarur btaye
Next PostNewer Post Previous PostOlder Post Home

0 comments:

Post a Comment

script src='http://code.jquery.com/jquery-latest.js'/>