Safe Gmail Kya hai aur isse kaise apne mails ko safe kare?

Gmail un logo ke liye aik behtareen platform hai jo jyadatar information ka adaan-pradaan  email ke jariye hi karte hai, agar baat ki jaaye kisi company ki toh wahan par information ek mahatvapurna bhumika rakhta hai, jis par company ki safalta aur asafalta dono hi nirbhar karti hai.

Safe Gmail

Information toh apni jagah mahatvapurna hai hi sath hi us information ko gopaniyata(confidentiality) ko barqarar rakhna bhi kaafi zaroori hai.

Cyber crime jis raftaar se badh rahe hai us nazariye se gaur kiya jaye toh ab na keval kisi company ko balki har web user ko apne data ki security ka khayaal rakhna hi padega.

Crackers jo ki dusro ki personal information ko hack karne ki koshish me lage rehte hai is tarah ke cybercrime ko hum “Identity Theft” kehte hai.

Toh ab hum ye toh jaan gaye ki Internet par apnay data ko secure karna kitna important hai,

Encryption ek saral aur surakshit tarike hai jiska istemaal kar ke hum apne content ko protect kar sakte hai. Chaliye jaan lete hai ki Encryption ke baare mein.

Yeh bhi padhe:  Kya Hai FREELANCING?

Encryption kya hai?

Encryption ek powerful tarika hai jiske istemaal se hum data ko secure kar sakte hai. Encryption apke plaintext (simple message) ko jumble words me convert kar deta hai jisse ki woh message kisi dusre ke jariye  padhna namumkin ho jata hai aur us message ko sirf wahi padh sakta hai jiske paas us message ka password ho jise ki “KEY” kaha jata hai .

Key ke dwara hi message ko jumble words se dubara plaintext me badalne ke process ko decryption kehte hai.

Encryption aur decryption ki is prakriya ko CRYPTOGRAPHY kaha jata hai. Gmail se hum encryption karke apnay mails ko secure kar sakte hai chaliye jaante hai ki woh kaise kiya jaaye.

Yeh bhi padhe: Behatareen Computer Tricks

Gmail me Encryption:

Gmail ne haal hi mein ek naya option launch kiya hai jiska naam “SafeGmail” hai. Agar aap google chrome browser ka istemaal karte hai toh aap “SafeGmail” ka extension ko apnay browser me attach karke iska upyog kar sakte ha. Kaise iska istemaal kiya jaaye sikhate hai step-by-step.

#Step1:

Sabse pehle aapko Chrome ke web store par ja kar Secure Mail For Gmail  par visit karna hai wahan par “Add To Chrome” ke option par click karke is extension ko apne browser ke saath jod le.

#Step 2:

Jab SafeGmail install ho jaye tab apne browser ko restart karke apne gmail par login ho jaye. Aap dekhenge jaha par compose ka option aata tha wahan par ek naya option aa gaya hai, yeh Encrypt Button ka option hai jiska icon ek Lock hai.

#Step 3:

Lock par click karne par ek nayi window open ho jayegi jisme ki secret message compose karne ko kaha jayega. Jaise ki aap pehle mail compose karte the usi tarah recipient ka email address, subject aur message ko fill kar de uske baad Send Encrypted par click kar de.

#Step 4:

Send Encrypted par click karne ke baad ek aur window aapke saamne aayegi jisme encryption password aur password hint ke liye kaha jaayega. Ye woh password hai jiska istemaal karke aap ka recipient us mail ko decrypt kar payega toh yeh password sirf aap aur jise aap mail send kar rahe dono ke beech mein rehna chahiye.

Password hint sirf islie hai taaki agar apka recipient password bhul raha ho toh us hint ko padh kar use password yaad aa jaye. Password hint optional hai. Aakhir mein Encrypt & Send  par click kar de.

#Step 5:

Mail send hone ke baad jab recipient ke paas pahuchega toh agar unke paas Secure Mail For Gmail install nahi hai toh unse install karne ke liye kaha jaayega. Install karne ke baad jaise hi password ke help se mail khol jayega woh jumble words se convert ho kar normal text me aa jayega aur woh asani se us mail ko padh sakte hai.

Toh yeh tha ek muft aur asaan tarika apne mails ko secure karne ka agar aapko humara yeh post pasand aya ho toh ise share karke aur logo tak bhi pahuchaye aur aapke paas bhi koi aisa tarika ho apne data ko web par secure karne ka toh use bhi humse share kare, Uske liye comment box me apna tarika llikh sakte hai.

Aur Aage Padhe

Holi Aayi Re Kanhai Holi Aayi Re…..

Gulal, Pichkari, gujiya aur thandayi yeh saari cheeze agar ek saath milaayi jaaye to banti hai ek shaandaar Holi, ek aisa tyohaar jo ki dilon ko milata hai, duriya ghataata hai, apno ko aur aur aur kareeb lata hai.

Sach maane toh pyar ke rango se bhari hui pichkari na umar dekhti hai na mazhab bas ise toh zid hai apna rang bikharne ki aur kuch rang toh itne gaadhe ghole jaate hai ki woh yaadein ban kar amar ho jaate hai.

Ullas aur umang se bhara hua phalgun ke mahine ka ye din bahut hi khaas hota hai.Barsana  mein jaha radha ji kuwar kanhiya ke saath lathmar holi khelti hui nazar aati hai, wahi dusri or natkhat bal gopal ke peeche sari gopiya unhe rang lagane ke liye daudti hui dikhti hai. Poore asmaan gulaal, phool, abeer, kumkum aur kesar ki wajah se laal ho jata hai.

Bachpan ki holi sab hi ki anmol hoti hai. Woh hi din the apne jab dost subah-subah topi laga kar toli mein aate the aur tabhi maa ki awaaz ka ana ki tel laga ke hi bahar jana warna rang nahi niklega asani se. Bahar jaate hi wahi dosto ka purana gana ki “Bura na mano Holi hai” aur fir pakad kar rang aur pichkari se pani ki bauchaar ka humla. Kuch hi pal mein sir se paaon tak poora rangeen ho jana. Woh bachpan ki holi ab laute bhi toh kaise kyuki na toh ab woh yaar rahe na ab woh tyohaar rahe.

Par kya pata phir se woh hi taqdeer mil jaaye, phir se anmol yaar mil jaaye aur bachpan ki shararate dohrane ka man kare. Aur tyohaar toh sach maana jaye isi liye hote hai taaki hum ranj-o-gum ko bhula kar aur har sharam ko chodh kar ke wahi Bachpan wali masti me doob jaaye. Aap mehsoos karenge ki  aapki har dikkat har pareshani fir woh chahe jitni bhi badi kyu na ho par aapki khilkhilati hui muskurahat ke aage aapko woh choti si lagne lagegi.

Toh yeh jaan lijiye ki na toh jeevan kala hai nahi jeevan safed hai. Jeevan hai to bas rangeen aur is rangeen jeevan ko aap hi ek hai jo aur rangeen bana sakte hai. Toh jeevan ka feekapan gayab karne ke liye ek bachche ka dil seene me lana padega. kyuki aaj ke samay me yahi sach hai ki Jo Baccha Hai Wahi Bacha Hai.

Toh Holi paas hai apne naye bachpan ki shuruaat isi holi se kare, kuch nayi yaadien is holi se bhi batore aur unhe apni gulakko me jama kar le. Chaliye phir kar lete hai Holi ki poori taiyari, yaad rahe koi bhi dil ki umang adhoori na rah jaaye. Aur saath hi saath apni khushiyo ko aur jaruratmand logo ke saath bhi baatein.

Aaj kyunki Holika Dahan hai toh mai bas yahi kahungi ki Aaj ki Holi mein aap sabhi ke saare dukh dard jal jaaye aur kal ki rangpanchami ke saare rang aapke jeevan mein ghul mil jaaye. Happy Holi :) :)

“I’m pledging to #KhulKeKheloHoli this year by sharing my Holi memories atBlogAdda in association with Parachute Advansed.”

Aur Aage Padhe

New Freelancers ke liye Bidding Tips

Har Freelancer ke liye jaroori yeh hai ki woh apna presentation behtareen rakhe. Apne aapko itna behtar aur kamyab dikha de ki koi bhi reject karni ka na soche. Freelancers ki bheed toh har ek Freelancing Websites par hoti hai aur koi bhi Freelancer rejection pasand nahi karta aur sach kaha jaaye toh kise rejection pasand hoga Toh haan aapko client ko convince karne ke liye har tarah se apne aapko proof karna hoga.

Try-Hindii-Bid-Image

Freelancing sites par work pana asaan aur kathin dono hi hai ek saath hai. Aapka work paana is baat par nirbhar karta hai ki aapne kaise bid kiya hai, kitna bid kiya hai, aur kis position par bid kiya. Ha ho sakta hai ki aap naye freelancer ho aur aapko “bid/Bidding” ka matlab sahi se na pata ho. Toh Chaliye sabse pehle jaan lete hain ki Bidding kise kehte hai?

Bidding kise kehte hai:

Bidding ka matlab hai boli lagana, aur agar baat ki jaaye freelancing site par to isme agar aap kisi job ke liye apply karte hai toh use bhi bidding karna hi kehte hai kyuki job par apply karte waqt aapko aapse ye bhi poocha jata hai ki aap is work ko kitne me kar sakte hai aap apne hisaab se work ko dekh ke bid(boli) krte hai toh isi wajah se isse Bidding kaha jata hai.

Related Post:  5 best Freelancing sites

Step 1:

Sabse pehle apne profile par login ho jaaye aur  Find Jobs   par jaaye ab aapke saamne saari jobs hongi aap apne hisaab se ise filter bhi kar sakte hai.

Step 2:

New posted par click kare ise aap sort bhi kar sakte hai.

Step 3:

Ab poori job ka description aapke saamne hai use jaldi se padh le aur agar aapko lagta hai ki aap ye job bakhubi kar sakte hai toh hi aaply kare. 

Job par Apply karne ke liye Submit A Proposal  par click kare.

Step 4:

Submit A Proposal  karte hi aap new page par redirect ho jaayenge yaha apna cover letter likhe aur project ka price de aur fir Accept and Submit Proposal par click kar de.

Aapne job par apply kar diya hai ab agar client ka koi reply aayega toh woh messages me aayega.

Important Tips

Kisi bhi job par apply karne se pehle in kuch baato ko dhyan me rakhe:

1. Har job par bid na kare kyuki bids limited milti hai aur unhe hi aapko poore month use karna hota hai.

Ek job par bid karne me aapke 2 bids deduct hote hai toh dekh samjh ke tab Bid kare.

    2. Jaldi Bid karne ki koshish kare kyuki competition jyada hai aur clients pehle 5 bids par jyada dhyan dete hai toh practice karne ki koshish kare.

    3. Agar naye hai toh rate thoda low rakhe jab aapke paas rating aa jaye tab aap badha sakte hai rates ko.

Jaise ki agar $100 ki job post hui hai toh aap $90 bid kare agar mumkin ho itne me kaam karna tabhi agar nahi hai toh aap $100 par bhi bid kar sakte hai.

  4. Shuruaat mein chote projects par bid kare. Maine apna pehla project $10 me complete kiya tha. Isme hire hone ke chances jyada rehte hai.

  5. Acha Cover Letter Likhne kis koshish kare.

Related Post:  Acha Cover letter(Proposal) likhne ke tarike.

Toh Dosto yeh kuch tips the bid karne. Aasha hai ki aapko samjh aa gaya hoga biddinga ka process agar abhi bhi koi question hai toh aap comment section me use pooch sakte hai aur ya fir koi badhiya tip hai toh use share bhi kar sakte hai. Milte hai agle post me :)

Img src:http://www.bandt.com.au/information/uploads/headers/Batch34/65fe2092-e13d-4237-a652-c11b1e7f5501_Real-time-bidding-1260x840.jpg

Aur Aage Padhe

Badhiya Cover Letter likhane ke Tarike

Aapka communication aapke sales par direct prabhaav dalta hai. Beshak accha communication har marketer ke liye ek powerful tool ki tarah kaam karta hai aur isi tool se woh apne client ko convince kar sakta hai aur unhe ye yakeen dila sakta hai ki yeh project usse behtareen koi dusra complete kar hi nahi sakta.

Try-Hindi-Cover-letter

Maine aapne previous post me bata chuki hu ki kin sites par clients ko dhundhe, kaise ek badhiya Portfolio taiyar kiya jaaye  aur kaise Portfolio ko apni profile par set kare. Toh ab yaqeenan is process ka sabse important part ka time aaya hai -  Kaise ek ache Cover Letter taiyar kare.

Ho sakta hai aapko apne client ke liye Cover Letter banaane ka khayaal bhi daraata ho aur especially tab jab ki aapne abhi apna freelancing career start kiya ho.

Mujhe bharosa hai k iss post ke end tak aapko Cover Letter likhne ka confident aa jaayega aur aap isse naye clients ko asani se paa sakenge.

Apna Cover Letter Likhna Seekhe

Step 1:  

Kuch bhi client ko likhne se pehle uske job post ko acchi tarike se padh le aur samajh le ki woh kya work chahta hai.

Step 2:  

Apne letter ki shuruaat jyada formal tarike se bilkul bhi na kare aap freelancing kar rahe hai aur jo ki yeh smart way hai project paane ka aur ha aap koi robot nahi ho toh starting wahi boring Dear Sir/Maam ya fir Dear Hiring Manager se bilkul bhi na kare ye outdate ho chuka hai.

Aapko agar apne client ko greet karna hai toh aap Hi Mr./Ms/Dr. XYZ ya phir Hello XYZ kar sakte hai.

Step 3:  

Pehle paragraph mein apna background information dena hai jaise ki apka naam aur apki location. Iske baad client ko yeh bataye ki aapne uske job post ka har ek point achi tarah se padh liya hai saath hi saath aapko samajh aa gaya hai ki client ki kya need hai.

Agar aapke paas client ke liye koi question ya fir suggestion ho toh woh bhi aap is section mein  pooch le kyuki ye first paragraph hai aur aapka client asani se use notice kar lega.

Step 4:  

Is section me aapko client ko yeh batana hai ki jis field me client ne job post ki hai us field ke aap expert reh chuke  hain aur same projects aapne pehle bhi complete kiye hai.

Step 5:  

Ab aapko apne latest ya fir best complete kiye gaye projects ko show karna hai. Aap point wise unhe show kar sakte hai aur dhyan rahe ki aap URL bhi saath me de.Jyada se jyada 6 work add kare.

Aap files bhi attach kar sakte jaise ki agar koi graphic designing ka work kiya ho tab.

Step 6:  

Aap unko bata sakte hai ki aap din me kitne ghante unke project ko de sakte hai.

Agar aap full time freelancer hai toh aap likh de ki aap 60 hours per week available rehte aur yeh bhi bata de ki aap aap hamesha deadline se pehle hi work submit kar dete hai.

Step 7:  

Cover Letter ko close karte waqt aap use uske is project ke liye shubh kamnaye de aur thanks keh ke letter khatam kare.

Aur Aage Padhe

Portfolio ko “Upwork” par add kare

Hello dosto jaisa ki maine previous post me bataya tha ki portfolio kya hota hai aur isko kaise behatar banaya jaye, toh ummeed hai ki aap sabne mera wo post zarur padha hoga aur agar abhi tak aapne post nahi padha toh yaha click kar ke aap padh sakte hai

Portfolio add kare

Dekha jaaye toh aapka portfolio ek powerful tool ki tarah hi hai jisse aap apne clients ko impress kar sakte hai aur naye projects ko win kar sakte hai,toh beshak iska behtareen hona kaafi jyada zaroori hai. 

Agar baat ki jaye freelancing sites ki to kyuki ye mainly job portal ki sites hoti hai toh in site me pehle se hi ek Portfolio attach karne ka option hota hai jo ki aapke profile par har waqt show hota rehta hai aur aapke profile par aane wala har vyakti use asaani se dekh sakta hai .Toh chaliye bina samay gawaye jaante hai ki kaise Upwork par hum apna Portfolio add kar sakte hai.

Apna Portfolio “Upwork” par kaise add kare

Step 1: 

Sabse pehle apne Upwork account par login ho jaye.

Login Image

Step 2:  

Login karne ke baad aap Profile par jaye

Profile

Step 3:  

Profile page par pahuchne ke baad aap page scroll kar ke page ke bottom mein aayenge toh wahan par aapko Portfolio ka option milega uske paas + ka symbol par click kare.

Step 4:

Ek form aayega use fill karna hai. Sabse pehle Project Title ka option aayega usme aapne jo project kiya hai. Project Overview me aapko project ke baare me batana hai ki kis platform par banaya hai project and kya kya challenges aaye aur aapne unhe kaise solve kiya. Thumbnail Image par aap project ka screenshot daale aur Project Files mein bhi screenshot attach kar de. Saath hi category aur skill mention kare. Poora form fill kar de saath hi Project ka URL daalne ki koshish kare. Aakhri me Publish Project par click kar de aapka work save ho gaya hoga.

Aur profiles ki tarah Upwork aapko apna contact details add karne ki izazat nahi deta. Iska matlab yeh hai ki Portfolio files mein aap apna email address, phone number ya fir chat Id ko nahi add kar sakte hai.

Agar Aapke paas acha Portfolio hai toh aap yeh steps follow kare:

1. Be selective! matlab jo aapke best work ho usi ko post kare na ki wo jo aapne develop kiya hua ho.

2. Apne project ko describe kare aur briefly bataye ki kya responsibilities thi?kya challenges aaye? aur aapka kya role tha us project ko complete karne me aur kitne time tak chala .

3. Apni skills/categories ko highlight kare. Yeh technical field ke freelancers ke liye bahut important hai.

4. Apna portfolio ko update rakhne ki koshish kare. Agar koi naya project bhi complete kiya ho toh use bhi aap add karna na bhoole

Toh dosto ye kuch tips the Portfolio add karne ke. Mujhe ummeed hai ki aapko ye post pasand aaya hoga agar aapke paas isse related agar koi question hai toh comment box me jarur post kare. Ya fir koi aur acha tip jo aap apni taraf se add karna chahte ho toh woh bhi aap bata sakte hai.

"Sachchai ki raah par chalna faayade ki baat hoti hai, Kyuki yaaha bheed sabse kam hoti hai"

Aur Aage Padhe